ابصبر هل روح اسلیهه لیاحد
وسیف اهواک الإموشر لیاحد
الخفت منه وچنت حاذر لیاحد
الکهل وادری مناعه ایصیر لیه
الشاعرهادی الامغیطی
لا تگلی شبت والبعض شوشب
ابسبب ما تدری صدیقی صار شوشب
انه عفته وشفت اخوی انوب شوشب
نار الغدر واحرگ کل وصل بیه
الشاعرعقیل التمیمی
ناسی مدری اشبیک ماتسمع اندای
شبه النهر عطشیت واتنخه بل مای
الشاعرعلی البدوی
حبیبی اسهام غدره منه ولمن
ابدلیلی وکاد اموتن منه ولمن
علل هجران گلی منه ولمن
سقر شبهه وگلب دنیای بیه
الشاعرهادی الامغیطی
احبک واقسم ابربی ورباک
وبوسن اید الامخلفک ورباک
فرحه وخجل تیّنی ورباک
عظم شوگی امنراک ایصیربیه
الشاعرعبدالواحدحدادالبوغبیش
نص عمری الجنابک ودریته
وغزل حبک تخربص ودریته
اشّفت منی یصاحب ودریته
مشیت ابلا وداع وخنت بیه
الشاعرخلیل ابومیلاد زویدات
الدنیه الزین صابته ولاحت
ولا واحد ذکر زامل ولاحت
شسولف علوکت شحچی ولاحت
الغبر صایر سبع ویعیل بیه
الشاعرامین النیسی
لاترکب کدیشت خیل ارکب من الاکحیلات
الهن بلطرد مشهود طیبات الاصل والذات
عله اظهور الوذن ینشال الماو ابساعت الهدات
ولو ثار الصد غارن صوبه
الشاعرخلیل ابومیلاد زویدات
کثره نزلو من بلاویهم علی
چه احبک سیدی حیدر علی
ای والله الکون هوه وال علی
ما أبدلک صدگ ابدنیه وحیات
الشاعرهادی الامغیطی
قریت السوره بلقرآن الله اموصی بل یوره
وبکتاب الشرف یا ناس خوت گبل مذکوره
بعدهی ابرجت الماضین بت السلف مستوره
وبت یارک اختک محسوبه
الشاعرخلیل ابومیلاد زویدات
تهل اطنان بل دلّال موطن
ویضل کارون مایک عسل موطن
ابعزم الله یرد لل شعب موطن
ونشد اعلامنه بل ناصریه
الشاعرخلیل ابومیلاد زویدات
حزنک تره اشما صار حزنی ایتعداه
الوسفه والیاویل مو مثل الاحاه
الشاعرامین النیسی
انفطر گلبی عله الخوان ونصاب
ولجلهم دفگ دم الدمع ونصاب
لهم واجب اقیم النوح ونصاب
مئاتم عللذی بعدو علیه
الشاعر میلاد زویدات
یا دنیه ابأسه لیلای گلبی
عله همی الوگع والشوگ گلبی
العدهم سلمت وانطیت گلبی
نسونی ولا إجونی وگصوبیه
الشاعرمیلادزویدات
گلبی شجره والیبخهه یامطر
ویامه حط الطیر بیهه یامطر
یامه کسرو من غصنهه یامطر
والهه عافو واسلبو منهه الحیات
الشاعرهادی الامغیطی
گلبی سچه و الیمرهه یاقطار
والدمع نهران یجری یاقطار
الدنیه دواره وادورک یاقطار
والگه شخصک واکتفی من الحیات
الشاعرهادی الامغیطی
گلبی ورده والیمرّهه یانحل
وانه تالف من اهمومی یانحل
حین شفته الولف ظنی یانحل
والعکس گفّل الچانن فاتحات
الشاعرهادی الامغیطی
الوکت شحچیله عنی وادری یغدر بی طبع
یلزم البی هیبه یهلی وبل ربع یصبح گطع
الهل سبب زامل وحته بعد محد بل ربع
یذکرهم لوصارت ضیجه
الشاعرامین ابوبنیامین النیسی
حته من ساعت اصیاره امحزم وشایل یرق
شهدو ابحگه النشامه وبسمه الیرضع نطق
ابد ما حاف ابعمامه وبیت منهم ماسرق
بس دگ ابیوت الخوانه
الشاعرخلیل ابومیلادزویدات
عله المر عودیت الریج بس ما اکره الحالی
چی گهوت هلی الایواد دایم تطری ابالی
المظایفهم تحن الروح والگمگمهم العالی
وعشگیت الموگد وادلاله
الشاعرخلیل ابومیلاد زویدات
یلی ابحبک بلیت الگلب شبلاک
ومثل کوخ الگصب وابنار شبلاک
بعد ما شاب راسی الگلب شبلاک
طحت یمک ولا حسیت بیه
الشاعرامین النیسی
مثل حیتی نجوم الیل متحی
کحیّی اعلیک والافلاک متحی
ماعنی سألت الناس متحی
ولا حته ابچذب تطری القضیه
الشاعرهادی الامغیطی
احی الیل وحدی لاحیّمی
حبیبی وسهم بعده لاحیّمی
لا میت و ازوره لاحیّمی
وگله ابهمی الخیم علیه
الشاعرهشام العدگی
حدیت الظعن یاخلی چوانی
الی ابگسبت لظه افراگک چوانی
چنک ما ترد قصدک چوانی
ابد ما فکریت اشیحل بیه
الشاعرحسام العدگی
من کثر الماسی و کثر الاهموم
سمتنی الربع والناس عاشور
الشاعرمجیدالبوغبیش
یا امام الرضا یا شمس الاشموس
وابکرامه وجود ظل عنوانک
باب لو بابین شفنه الکل مضیف
وعجز کلمن راد ایعد بیبانک
الشاعر امین ناحی زاده
انه اعیونی مدارس دمعی طلاب
بس تزعل علیه اتصیر حلّه
الشاعرامین النیسی
ناشدت دلت اهلنه اشبیچ منتی امخدرا
گالت الملکونی وسفه ماهم اهل المفخرا
الحرجو بسوگ بیه ابد ماعدهم ظرا
ما ملکو ذره امن الغیره
الشاعرخلیل ابومیلاد زویدات
ناشدت دلت اهلنه اشبیچ شو محنیه الظهر
انچفت بل موگد یوسفه ونحبت ابظهر الحمر
چیمت روحی لجلهه وما شفت اهل الفخر
یادله اهلچ چنهم موته
الشاعرخلیل ابومیلاد زویدات