هذول احنه العرب شجعان یلمع دوم ماضینه
واحنه العرب کلنه اسباع والخاین ما یمر بینه
العایل یدری بینه اسباع وخایف یگرب اعلینه
یدریهه انگصص جنحانه
الشاعرامین النیسی
یظل دونی اللذی خوان ماراد
ویمشی ابحرثت الاجناب ماراد
عسا دایم یظل بل ظیم ماراد
کلمن ما یحن اعلی الخویه
الشاعرامین النیسی
الیمشی بدروب الثقافه وما یدور عل اسم
مایدنگ بلکلافه ودارس ادروس الفهم
دونی ذاک الباع ربعه وماله گعده اویلزلم
والخائن ربعه ایذمونه
الشاعرامین النیسی
الگلب ما أشر الجیتک ولوما
قشیم وما خذت حچیه ولوما
لون ما کبرت راسک ولوما
احترمتک ما تسوی هیچ بیه
الشاعرامین النیسی
لانی عایش ابملکک ولاعایش ولانی عایش ابگاعک
واعرفک خصمی انته وقاد واعرف ماصخ امتاعک
لانی عایش ابملکک وراضیک
اترکنی ابریلی ارکنک وراضیک
خنتنی اتریدامرصوبک وراضیک
اش شفت منک واگلک مر علیه
مثل ما گال ابن ماهور خاین واعرف اطباعک
والمثلک خاین ما اهوا
البیت لشاعرعلی ماهور النیسی والهوسه لشاعر امین النیسی
علی صمتی تگلّی ساکت اشبیک
الکلام ابغیر وکته ما یحلّیک
إخذ عبرت شمع لو عوزت نور
یدلیک الدرب بس ما یحاچیک
الشاعرامین النیسی
احبک ونتهه الموضوع یفلان
رغم تگضی اویه غیری الیل سهران
اعرفک روحی ویای نجمه وتضوی بسمای
ادری اشگد تحبنی الهاذ اهم بیک
اذا ناوی تعوف العشره واتخون
بعدنی انه ابهواک الهسه مجنون
بعدنی الهسه شاریک گلب واعیون منطیک
ولو مو سعرک انه ابکیف اقلیک
اذا ترجع الیه ابروحی اخلیک
الشاعرامین النیسی
صدیقی الچنت ازامط بی وگلت بل ضیج تچایه
غدر بیه ابظلام الیل طگنی وراح بجنایه
گتله انته وعرفتک زین وما همته الاحچایه
یضحک ویگلهم موش انه
الشاعرامین النیسی
صدیقی الچنت ازامط بی الطگنی ابلیل واعرفته
خله ابصدری بس حسرات وحچیی ابگلبی ماگتله
رجعلی ابیوم طگه العوز وگلت خوّان قدرته
واشلون الخائن تامن بی
الشاعرامین النیسی
صدیقی الچنت ازامط بی وحتی ابظیج ماعفته
طحت جدامه شاف وراح وتالی ایگول ماشفته
بعدهه اسنین لاگیته گتله افلان موش انته
ما عرفک گال وعدانی
الشاعرامین النیسی
مره وتعب دنیای وادموعی سچّاب
تنزل علل خدین لو صار الاعتاب
****
لا تشتکی لناس جرحک دغطّی
ما یألم البطران ظیم الیمر بی
الشاعرامین النیسی
الوکت بس هم تلگّه مره جانی
وضگت العسل منّه مره جانی
الفرح کل عمری هاذه مره جانی
وطلع غلطان مو قصده علیه
الشاعرامین النیسی
بعد ما ظل وکت لا تلچم الروح
وخلهه احچایتّک تجبر الخاطر
علی ساعت الساعه اتشوفنی ابعید
ولا تگدر تگول اعتذر باچر
گبل ما تعتذر عندی انته معذور
الفشگ بصدورهه وتحمی السواتر
ونعم ترضه الارض بل جدم تنداس
بس تبگه الاصل علو المنابر
ذنبک مو ذنب ما اگدر احچیه
و وصفه ابیا وصف ظلیت حایر
ابمو معصیه ولا ذنب مغفور
الیدوس العله الورد عند الله کافر
الشاعرامین النیسی
اسألک یا صحیب ابجرح ماشی
الک ضحیت روحی وصحت ماشی
اذا ظهری انطعن بلسیف ماشی
اصعب شی صدیق الخان بیه
الشاعرامین النیسی
وین هسه ابیا حظن عینک تنام
انه والله اوداعتک شابع بچی
انه اجیب الروح وترس بیهه ادیک
ونته بس اتجیب واتودی حچی
الشاعرامین النیسی
احنه اهل منعم اخبرک وارد اسمعه الما دره
ونجدم احنه ابیوم صدهن ما نظل بلطگ وره
احنه ماعدینه عیله وما نرد اشما جره
الشر های اهله ولا تدنا
الشاعرامین النیسی
احنه اهل کارون اخبرک ما نرد یوم الحرب
ولو یصیر ازماط بلحگ نگلب الدنیه گلب
ما نماشی الما یماشی وعدن هاذه احسن درب
ودرب الحگ ثابت عنوانه
الشاعرامین النیسی
حتی الما یشوّر بی علگ دگیت
طب ای حضره تلگه اسمک علل بیبان
الشاعرامین النیسی
اضفر شلعته وراح چانولی ربعی
رد طلع گلت ارتاح گصیت اصبعی
الشاعرامین النیسی
احنه لصاحب نضحی ونمشی لجله ابلا عگل
ونفدی لعیونه عمرنه وعنه ما نحچی بطل
احنه معنات الاخوه والاخو غالی یضل
خسران الینکر خوانه
الشاعرامین النیسی
بعدهی اعیون ظلت عندی بجفاک
وبعد عندی گلب بل آه متروس
انه اجروحی گناطر صارت اویاک
شجاک ابلا وعه فوگاهن اتدوس
الشاعرامین النیسی
کتاب اتگلی ادزلک لمن اشتاگ
دزلی اعیون خاطر اقرا الاکتاب
الشاعرامین النیسی
انه وگلبی انعرف حبک گصیر
و لا تدورلک عذر تنسانه
بیدی کبرتک شفت غیری ومشیت
ابیت عنکبوت اترید تتلفانه
الشاعرامین النیسی
چنت معتز ابصدیقی وافرح انه الفرحته
وگلت ابیعن کل حلالی ولا اشوفن دمعته
کل هاذه وگلت عوان و ما یخون ابعشرته
واصبح خوان الخاویته
الشاعرامین النیسی