من رحل طارش الغیره وطول اغیابه وبطا
حس حنین ولحم عاصی وصرنه بطباع الگطا
امعوچسه دنیانه چنهه والرفاگه امیلبطا
ما ینصح واحد للثانی
الشاعرخلیل ابومیلاد زویدات
وحگ البل شریعه انثنت من ارجال
الراد الزلم ما یحرس اچفوف المال
بسموم الظهر شجره الما علیهه اذلال
حتی العش ما یوگف بیهه
الشاعرخلیل ابومیلادزویدات
لو ابن عمّک یحشمک بلفزع افدی النفس
اتحزم ابغیرت الخوه و اوگف ابحر الشمس
اشفاده ذاک العاف گومه وبل ردم ظل منخلس
من شبچن گلهم دثرونی
الشاعرخلیل ابومیلاد زویدات
الیشد احزامه بل خوان ویوگف وسطت الضیجه
یتنومس من حچه الشاجور لو ثار التفگ هیجه
اویلی الما وراه ارجال من شبچن یبس ریجه
من شاف الدم غشت روحه
الشاعرخلیل ابومیلاد زویدات
خویی اشما ایوزنّه منلعار
غبی ولا یستحی ابداً منلعار
اشموزنته طلع ناگص منلعار
صبح ناگص وزن حدر الردیه
الشاعرخلیل ابومیلاد زویدات
گبل یارک اخوک ایصیر وبیتک ینحسب بیته
ویبوگک لو تغیب الیوم وحرامی الصبح سمیته
الواوی اشما تعبت اعلیه اشکثر ماچان ربیته
ایملّخهه العکه ابنیبانه
الشاعرخلیل ابومیلاد زویدات
الطیر اشما یطیر ابعید لازم یرجع العشّه
ولیل الشته اشگد ماطال حتماً تظهر الغبشه
المادگ رجله بل کلفات ابد ما گدر یتمشه
لو یصبح الفین ارجاله
الشاعرخلیل ابومیلاد زویدات
عله الزینین اجر حسرات وتهل
وقدت تمطر دموع العین وتهل
اذا ترجع علیه اردود وتهل
تشافی المرض وتزیح المنیه
الشاعرخلیل ابمیلادزویدات
الراید التاج اعله راسه وراید العز واحترام
کون طعّان ابوکتهه وحتی یحصل عل مقام
مو تغشه افلوس جیبه وابد ما لم العمام
تنزل من تاجه الیاقوته
الشاعرخلیل ابومیلاد زویدات
الو تدری ابدموع العین شیرن
دمه ونیران بل دلّال شیرن
النواظر یوم مر الظعن شیرن
الحبیب وفرگته صعبه علیه
الشاعرخلیل ابومیلاد زویدات
النخل طبعه ایتباهه اوگوف موته وعیشته ابهیبه
وأبد ما عنّزته اعضاه ذاک الما ملک طیبه
الوکت خلانه هیچ انشوف الیخله امن الفلس بیبه
محد یتباهه ایشد حیله
الشاعرخلیل ابومیلاد زویدات
یادلت هلی ام الطیب هیبه الإسم فنیانچ
الترکعین اعله شانه اسنین وهوه ایبوس بلسانچ
شالوچ ابمظیف امجاد ونتی العالی امچانچ
ناداچ الموگد ردیلی
الشاعرخلیل ابومیلاد زویدات
المارضه ابگومه وعمامه وینعدی امن اهل الفهم
من تشب النار یمه ایخوتل ابسد الزلم
ما یشیل الحمل چفه الماو یاچف ینعچم
یوگع والغربه اتباریله
الشاعرخلیل ابومیلادزویدات
'العسر بید الکرم جبته وگدته
بارض غفره انه خلیته وگدته
عله اعناد العسر تبگه وگدته
ابجود وکرم تدوی ابهل ثنیه
الشاعرخلیل ابومیلادزویدات
مو شرط بلصدر تگعد خاطر اتحسب چبیر
کون تعجد رایه لهلک حتی تتسمه ابمشیر
خیّر وبل ذیل اگعد والصدر صوبک یصیر
هزبر عد گومه ایعدونه
الشاعرخلیل ابومیلادزویدات
الما شگف عن راس اخیه ابوکت طگّات الزلم
یسوه اطمه ابحفیره ولازم اتکتله ابرجم
اشگد حلو العصّب فلگته وصاح لعضیده استهم
بس هاذ ابن امه الگلوله
الشاعرخلیل ابومیلادزویدات
کل وکت تحفض زین خلی السانک احصانک
و لو ماگادر اتکعّه یفرسک بل جمع هانک
مثل ما گالت العگّال من صِنته ابشرف صانک
السانک بیدک لاترخی
الشاعرخلیل ابومیلادزویدات
عضیدی اجروح دلالی حملهه
وصبج جدام شماتی حملهه
الربع من تحس یتناثر حملهه
تشدله احزام وکت الموزمیه
الشاعرخلیل ابومیلاد زویدات
بیت الینبنی امن الساس ما تنشاف بی خله
واسم الینذکر بل طیب ندری ابزود یتعله
العاش ابفخر بین الناس یرفض عیشت الذله
واتسولف بیه الحچایه
الشاعرخلیل ابومیلاد زویدات
شری الریج ابودادک لامحالی
ومحال اصحه ابغیابک لامحالی
اعذره الگام یحچی لامحالی
جزاه الله الصبر ساتر علیه
الشاعرخلیل ابومیلاد زویدات
نص عمری الجنابک ودریته
وغزل حبک تخربص ودریته
اشّفت منی یصاحب ودریته
مشیت ابلا وداع وخنت بیه
الشاعرخلیل ابومیلاد زویدات
لاترکب کدیشت خیل ارکب من الاکحیلات
الهن بلطرد مشهود طیبات الاصل والذات
عله اظهور الوذن ینشال الماو ابساعت الهدات
ولو ثار الصد غارن صوبه
الشاعرخلیل ابومیلاد زویدات
قریت السوره بلقرآن الله اموصی بل یوره
وبکتاب الشرف یا ناس خوت گبل مذکوره
بعدهی ابرجت الماضین بت السلف مستوره
وبت یارک اختک محسوبه
الشاعرخلیل ابومیلاد زویدات
تهل اطنان بل دلّال موطن
ویضل کارون مایک عسل موطن
ابعزم الله یرد لل شعب موطن
ونشد اعلامنه بل ناصریه
الشاعرخلیل ابومیلاد زویدات
حته من ساعت اصیاره امحزم وشایل یرق
شهدو ابحگه النشامه وبسمه الیرضع نطق
ابد ما حاف ابعمامه وبیت منهم ماسرق
بس دگ ابیوت الخوانه
الشاعرخلیل ابومیلادزویدات
عله المر عودیت الریج بس ما اکره الحالی
چی گهوت هلی الایواد دایم تطری ابالی
المظایفهم تحن الروح والگمگمهم العالی
وعشگیت الموگد وادلاله
الشاعرخلیل ابومیلاد زویدات
ناشدت دلت اهلنه اشبیچ منتی امخدرا
گالت الملکونی وسفه ماهم اهل المفخرا
الحرجو بسوگ بیه ابد ماعدهم ظرا
ما ملکو ذره امن الغیره
الشاعرخلیل ابومیلاد زویدات