الشاعرهادی الامغیطی(البوغبیش)عتابات\حركماهن و حربك الهن

علي   ابشمرة  يمينه  حركماهن

وهو   اطيور  التخاطف   حركماهن

ابميادين     الحرايب    حركماهن

عله  الجيمان  والهه  اطوه الرگاب
***

علي اهوه الحرولاكن حربك الهن

مواقف  عنده  نفسن  حربك الهن

طاها   الصاح   حيدر  حربك الهن

انفوس  الزلم  چن  ملك  العذاب

الشاعرهادی الامغیطی

الشاعرهادی الامغیطی(البوغبیش)ابوذیه/حربه

علي ابگدالشمس كل حرب حربه

وهو  العاصف  يشگ  الريح  حربه

علي  خطف  الرواح  الچان  حربه

و يلگط   وين   ما   روحه  شهيه

الشاعرهادی الامغیطی

الشاعرهادی الامغیطی(البوغبیش)هوسه

لوردت تحصل  صحیب  اتخیّره ابعگلک  خیار

مو شرط  عینک  تشوف  ویطلع  ابنفس  العیار

الصحبه قسمه امنالحیات اتصیرعمران ودمار

والیسهه إلهه اتهدم بیته

الشاعرهادی الامغیطی

الشاعرهادی الامغیطی(البوغبیش)ابوذیه/وحده

سره ابهدواه حادی العیس وحده

ونگلهه اجدامه وحده إخلاف وحده

خذه احبابی  ودلیلی  صار وحده

وصبح  لیلی  شریچی  ابهل  بلیّه

الشاعرهادی الامغیطی

الشاعرهادی الامغیطی(البوغبیش)ابوذیه داخل میمر

اقرأ البیت من اول إلی الأخر فیکون میمر

واذا قرأته من أخر إلی الأول یصبح ابوذیه

بشرط التلفّظ 

فیه  و   ذلاله  المصطفی   بس انته

هوه انته  عگبه  اتمرمرت  بس انته

هوه انته   جرحه  الطیّبت  بس انته

هوه انته و انفاسه النبی فی  حیدر

الشاعرهادی الامغیطی

الشاعرهادی الامغیطی(البوغبیش)قصیده

**قصیده زینب س**

یاشمسنه الأشرقت طیل السنین

الینکرچ  ذل ولا  حصّل  ضره

زینب انتی وانتی أمن للحیاء

وانتی بعد أمچ أثق واطهرمره

خلی یم طرواچ نگصد للطفوف

ذیچ ارض الغادره ونطری الجره

یوم  حاطتکم  جیوش  الظالمه

وعل وطیه صبحت أکبر مجزره

بیهه شفتی قلّه ضد سبعین الف

احسین واصحابه وهله ضدأکثره

عینچ اتشوف السمه ابلون الظلام

ومن عجاج الخیل شفتی الضغبره

إنتی ما همچ لئن احسین اخوچ

وغیرت  العباس  تبگه الساتره

واشحدهه عین الگوم لوتلمح علیچ

چا مزگهه  ابخزره  ماگامت  تره

شفتی بلطف من مأسی  ومن بلاء

وادری شفتی الگاع صارت محمره

طاحو  الأصحاب  بسیوف  العده

طاح  الأکبر بعده  قاسم  عل ثره

وبعدچ انتی صبرچ ایفوق ویفوق

حتی  موت الولِد  گلبچ  أصبره

لاکن  الهد حیلچ  وأغلب  علیچ

مصرع  العباس سبع الگنطره

                                           الشاعرهادی الامغیطی

الشاعرهادی الامغیطی(البوغبیش)ابوذیات/یربن و ربن بی

عندی اهموم احس ویای یربن

واحس گلبی یگلهن  بعد یربن

ترید اعیونی عود ابلیل  یربن

ونه  حتی  دلیلی  ایخون  بیه

***

دلیلی مربه  واهمومی  ربن بی

ومن خثرت حزن روحی ربن بی

ربه ابصنته واحچیله و ربن بی

وگلّه  هل شی  ما یمشی  علیه

الشاعرهادی الامغیطی

الشاعرهادی الامغیطی(البوغبیش)قصیده

**مرنه یاگمرنه**

مرنه  یاگمرنه  چل  الظلام

والیل جاسَرگام ایعیل ابأنام

الیل  جاسر عال بهل  الحمه

وایده لاحت حتی نجم السمه

تدری صارایشوف عگب العمه

وکلمته  علاهه  فوگ  الکلام

واحنه صرنه مرکز الکل سهم

منّه شفنه ضرب ولوعه وتهم

وبینه سنه لحم وعظم التهم

وضیّع النه الراحه ویه السلام

ضیّع النه اسنین طیبه ابهنه

وسنه چانت احلی من کل سنه

چنه مسرورین محنه احزنه

وهسه صرنه ابألف جرح الننام

اشکثرشفنه ابغیبتک من ظلم

والمصایب حتی جنّه  ابنظم

منهو یرضه اعلینه بس ننهظم

دونه خصمک التسبّب سقام

مرنه یاگمرنه خل یلفی عید

وخلنه نفرح گبله یوم الوعید

وخله عیدالّی یجی ایمرسعید

اعله گلب المغرم وشاف هیام

                                     الشاعرهادی الامغیطی

الشاعرهادی الامغیطی(البوغبیش)قصیده

**ودعتنی**

ابلحظت اظعونک تعدّت

طشت احلامی وتبدّت

طشت احلامی وسبتنی

ساعت البیهه عفتنی

وحتی دنیاتی جفتنی

ابوجهی بیبان الهه سدّت

عمری چنت ابشوگک انه

هایم ابجرح ومعانه

وبین ازر حانه وامانه

ماتت البسمه وتفدّت

کلهه سهله وهایه تصعّب

فرگتک سهم المشعّب

صابت الگبی وترعّب

لن حبل لل موت أمدّت

ما تگلّی یمته ترجع

ردعلی ظل جرحی یوجع

کافی مو جسمی تضعضع

واله اثیاب المحنه گدّت

ماترد تعگد بشاشه

ابروحی یسمر والحشاشه

وانته تصبح کالفراشه

چن ربیع ولیه ردت

لوتظل غایب علیه

واگضی وکتی إبهم وأذیه

ردعلیّ حتی المنیه

تسهل الروحی الّی ودت

الشاعرهادی الامغیطی

الشاعرهادی الامغیطی(البوغبیش)هات/علّهن/مدفنه

إقرأ الأبیات من الأول إلی الأخر ومن الأخر الی الأول

الناصیات  إشئون  حیدر عَلّهن

حَلّهِن    أبوابه    خیبر   علّهن

حِلّهن     آیاته    ربّک     علّهن

حلّهن حیدر إسنین  البلحیات

***

هلحیات ابغیره  حیدر   مدفنه

هوّه حراشموسه واثق  مدفنه

هوّه حر  للذله   سوّه    مدفنه

هوّه حر کلمن  ایعوفه بلحیات

الشاعرهادی الامغیطی

الشاعرهادی الامغیطی(البوغبیش)ابوذیه/بعیده

لسانی حاشه لو  قصّر بعیده

رغم شوفتکم  الصارت  بعیده

عید   وکلمن   الفارح   بعیده

وعیدی جلستی اویاکم سویه

الشاعرهادی الامغیطی

الشاعرهادی الامغیطی(البوغبیش)قصیده بحق الامام الزمان عجل الله تعالی فرجه الشریف

**مرنه یا فجر**

 بعدهو الیل مظلم یا فجرنه المن وعدنه للصبح شمعات معدوده

حیّرنه الوکت ما یدری ملچومین و واحدنه ابغیابک إیده مشدوده

خلصّنه العمریا فجر تدری اشلون مثل وکر إنترک والطیر شیعوده

نتأمل نظل وانحسّب الیاوین وإعیون الصبر کل ساعه مرموده

نسیناه الفرح نسیان میت اسنین والبسمه دفناهه ابأرض سوده

وضیّعنه ألاثر ذره ابّین ودیان وتعبنه المحاچی اندور إشهوده

بعدهو الیل مظلم یا فجرنه المن وبیبان الضوی الیاحین مسدوده

إخدوده الفقیر إخشِنت بل دمعات یمته چف ضواک إینعّم إخدوده

ینطرک یا فجر حتی الصبح صار ودونک لاتظن یتباهه بصموده

الشمس لولاک ما کشفت الأستار ولا عدهه إستطاعه إتعلّی بلجوّده

مرنه یا فجر خن طفی لل شمعات  وبستان الحیات ایفتّح اوروده

ونتغازل طلوعک احنه والنجمات ویم شفت النهار إنگیّد الإبروده

مرنه یا فجر هل دنیه  کلهه ابغیض بس إبلیس مارح یرگص ابعوده

ومرنه یا فجر گبل کل مکروه الیمس نخلت هلی وإعگالی واعنوده

الشاعرهادی الامغیطی

الشاعرهادی الامغیطی(البوغبیش)ابوذیه/علایم

ابکثرمبچای احس  دمعی علایم

عیونی     بیه     خلاهه     علایم

صبرت اسنین یوم احسب علایم

یخلّی    وکل مسه اببعدک   أذیه

الشاعرهادی الامغیطی

الشاعرهادی الامغیطی(البوغبیش)ابوذیه/میّت

تگلّی موت وانه اسنین  میّت

من عهد ماعلوعد یهوای میّت

مو  میّت   عذر   خلّیت  میّات

ورغمهن صدگیت اتحن علیه

الشاعرهادی الامغیطی

الشاعرهادی الامغیطی(البوغبیش)ابوذیه/ودای

دلیلی    جمّع   الونات   ودای

وضاعن بین نزف الجرج ودای

سعیت وضیّعیت اسنین  ودای

عله   الما ود  واحسّب  ود  الیه

الشاعرهادی الامغیطی

الشاعرهادی الامغیطی(البوغبیش)ابوذیه/ منکباع

افتحتلک باع وإمتانی منکباع

احظ منّه ویتم  دربک  منکباع

خسر کلمن ولو شعره منکباع

وربح ذاک الشراک ابدال أخیه

الشاعرهادی الامغیطی

الشاعرهادی الامغیطی(البوغبیش)ابوذیه/کفاره

ابدلیلی عشگی کفریته  کفاره

یناهی وشخصک المبعد کفاره

اذا أنساک  کون انطی  کفاره

وصوم  ابدال  کل لحظه مسیه

الشاعرهادی الامغیطی

الشاعرهادی الامغیطی(البوغبیش)ابوذیه/عیّن

کدّش  خیل  عل   وذنات   عیّن

سبب  رای  الجهل  للذال  عیّن

قده   البیدی  یلایَم   شبه  عیّن

اطیعنّله   الأمر   غصبن   علیه

الشاعرهادی الامغیطی

الشاعرهادی الامغیطی(البوغبیش)ابوذیه/شونلا

دلیلی  اسنینهه  الفرگه  شونلا

وغیابک   لو  اون  گلّی   شونلا

اذا حتی الوصف صایر شونلا

اوصفک  یا  خیال  ارهم   علیه

الشاعرهادی الامغیطی

الشاعرهادی الامغیطی(البوغبیش)ابوذیه/ وگفو

هلی   نامو  ابراحت  بال  وگفو

وشبه   الجبل  لل  عیلات   وگفو

هلی   ما   عافو   المظلوم   وگفو

مثلهم بلحسن واحسین الاطیاب

الشاعرهادی الامغیطی

الشاعرهادی الامغیطی(البوغبیش)ابوذیه/ولخلا

العدو جای  الهدم بیتی ولخلا

ورفض کلمن وگف سده ولخلا

عدوی  چن رحم حالی  ولخلا

یگله  ساوی  بیته  اویل  وطیه

الشاعرهادی الامغیطی

الشاعرهادی الامغیطی(البوغبیش)ابوذیه/شیبات

شی اهموم عندی ابشتل شیبات

وشی  من ابتلائی  رحل  شیبات

ما   أنلام   اذا بل  راس شیبات

الگلب   غافی  ویحب  ابلا  وعیه

الشاعرهادی الامغیطی

الشاعرهادی الامغیطی(البوغبیش)ابوذیه/شرّت

فوگی الدنیه کود اهموم شرّت

وبشرهه الفجع هل روح شرّت

عگب ما مرمرتنی النوب شرّت

حبیبی  ولن طبگ صارو  علیه

الشاعرهادی الامغیطی

الشاعرهادی الامغیطی(البوغبیش)هات/بسمّه

ذاب گلبی  ابیوم  ثغره  بسمّه

وصبح منی عگلی طایر بسمّه

الّزم خده ابحیت ایبوسه بسمه

وده   عنه  یعزل   الیوم  الممات

الشاعرهادی الامغیطی

الشاعرهادی الامغیطی(البوغبیش)ابوذیه/بسکّلا

الگلب صارن حزن وی هم بسکّلا

ولی جسمی لظه  افراگک  بسکّلا

صرت   مجنون   یاناهی  بسکّلا

تدعنی    انه   وی   همی   سویه

الشاعرهادی الامغیطی

الشاعرهادی الامغیطی(البوغبیش)ابوذیه/وحیه

سگانی ولفی سم عگرب وحیه

ونسه  المسهر چنت لیلی وحیه

عگب  ذنّی ابوهم عایش  وحیه

واقل   ریح  الیمر  یغلب   علیه

الشاعرهادی الامغیطی

الشاعرهادی الامغیطی(البوغبیش)هات/وانه لا

ابونی کل طیر الی طایر وانه لا

ولو  تگلی  مرنی  واحد  وانه لا

انسه  انته حتی روحک  وانه لا

لن تعبت اعلیک گد أُمک  وحات

الشاعرهادی الامغیطی

الشاعرهادی الامغیطی(البوغبیش)ابوذیه/لاظن

لواظی ابچل هجیر الیل لاظن

دلیلی  ولا صنوهه الموت لاظن

تهن  وارتاح خلفک  عود لاظن

اظل  شاجی  لمااتمرنی  المنیه

الشاعرهادی الامغیطی

الشاعرهادی الامغیطی(البوغبیش)هات/بلحسن

یل عسل حبک ضمایر بلحسن

ویلی یوسف مایصلّک  بلحسن

انته وحدک کون النه بوالحسن

ونته وحدک النه دنیه اویلحیات

الشاعرهادی الامغیطی

الشاعرهادی الامغیطی(البوغبیش)ابوذیه/مبیدا

مظن بیه عضو  صاحی مبیدا

ومحبتک  لل   یمارسهه  مبیدا

لون  واحد  هوه  و حبک مبیدا

اعذره  گلبه   راس الکل   بلیه

الشاعرهادی الامغیطی