اکو صاحب یفیدک دوم ویظل لل أبد عصاک
واکو صاحب صحبته اقمار منتوگع مایظل اویاک
ابعگلک میّز الصاحب لو ردته یشد اگفاک
بلملعب جرّب وگفاته
الشاعرعقیل التمیمی
لوله الکمی یا هل ناس ینزار
عظب اوچود فتگ العتگ ینزار
دگلولی اللئیم اشلون ینزار
اذا هوه منیع الکل عطیه
الشاعرعقیل التمیمی
ابعجل لتعوف اخییک والاخو هیبه وعزم
وکلنه ندری الماله احّد باچر اتحوده الزلم
لوتظل اوحید اگلک تکثر اعلیک القِزِم
ومفلوگ اتظل وسط الحومه
الشاعرعقیل التمیمی
اون انه و دلیلی اویای ونهم
عله البیهم اصولن چنت ونهم
مشوواسمع قضیتی اتصیح ونهم
اسباع التنهم وتکسر الیه
الشاعرعقیل التمیمی
امغبّر هل صفه عگبک وکافر
وکتی وصرت مرجوحه وکافر
حشه المسلم یصل خوته وکافر
یهل مگطوع صل رحمک علیه
الشاعرعقیل التمیمی
عربی وافتخر یاناس و ما بدّل عروبیتی
وعله اعناد الیضدنی دوم الف عل راس چفیتی
تظل های اهیه لی عنوان واصیح ابصوت قومیتی
حیدر وولاده الوهامه
الشاعرعقیل التمیمی
خویی الّی الیحط عل راس منّه
ریشه ولا تظنه ایزود منّه
انصحک تجتنب واتیوز منّه
لئن خوته رذاله وعار هیّه
الشاعرعقیل التمیمی
دخلیلک اخو اخذالک اگلک لا تظل مفرد
لن بیک العدو ایعیل وعنک ابد ما ینرد
لون عندک أخو تنهاب لن الإخو کلمعضد
وابیوم العرکه اتطبر بی
الشاعرعقیل التمیمی
انه ماذم الی یسوه انه اذم بس النذل
وانه حاکم عله السانی ما أبّلد بل عگل
انه لو راید اذمن ابد ما ذم النفل
بس الما یسوه ذمیته
الشاعرعقیل التمیمی
مشه ذاک الزمان وراح واگلک اخذ کل ناسه
ولفانه هل زمان اجدید وخیم ویطبر ابفاسه
عله الباطل یصاحب بی والحگ کسروراسه
والباطل ظل شامخ بیهه
الشاعرعقیل التمیمی
یروحی الضفر عازل من لحمتی
وبعد میفید جبرچ من لحمتی
ایا وسفه العلس بیه من لحمتی
واشوفه ابرخص گام ایسوم بیه
الشاعرعقیل التمیمی
وجدانی الشعرخله ایصیر و اگلک هل الوزن فاله
وسیوف امن الچلم اختار واحچیهن للعله ابماله
دگله انته زغیر ابهای ردلا تگرب الخیاله
زعطوط انته وتعثربیهه
الشاعرعقیل التمیمی
امدح فقط بهل البیت والهم دوم ابح صوتی
لجل لاخل صدیق ایفید باچر لوگرب موتی
باچر بلقیامه اهناک احساب وکتب یاخوتی
والفایت منک یردونه
الشاعرعقیل التمیمی
بالک لا ترافگ ذیب واتخلّی الک حارس
لن طبع الغدر یا خوی دوم الدوم الک خانس
اگلک لا تأمن بی وهوه للغنم فارس
ومن فچ الفچ یعلس بیهه
الشاعرعقیل التمیمی
چثیره ناس حبل البطل گدهه
وصبح تفصال ثوب الفشل گدهه
علیش الماهو گدهه ایگول گدهه
وذا هوه دموق ابکل قضیه
الشاعرعقیل التمیمی
اذا خلک بألم شفته بلمکون
تصیروتصبح ابشطّه بلمکون
تعَبره وین میگلک بلمکون
وتگله اطلب وانه الواگف تچیه
الشاعرعقیل التمیمی
عینی اعلیک کتتلی ترادم
ودلیلی ابّین شریانی ترادم
یخایب موگلت نبقه ترادم
أشو نص الدرب واگطعت بیه
الشاعرعقیل التمیمی
دلیلی من کثر همی ولکهام
لئن گد الجبل شایل ولکهام
اذاخلّی وعلی حامل ولکهام
تظن اگدرو ارد العال بیه
الشاعرعقیل التمیمی
صدیق الچنت واثق بی وامحسّب علیه ریال
گلت بلهد مثل موح جدامی یغرّگ اجبال
لاچن بلعکس شفته رچیچ وللحمل میال
وما یحمل حملی اعله امتونه
اشکثرماصاحبیت اصحاب یاسف
خوّتهم مثل خوّان یاسف
بعد بیمن نثق النوب یاسف
اذا خلی صبح سرحان لیه
الشاعرعقیل التمیمی
أسد من الصحابه اختار وخلّه لل زند قوّا
لئن گالو یصح صاحب احن واحسن من الخوّا
یفیدک من تطیح ابضیج وحیلک بیه یتگوّا
لو لیث امصاحب وهّامه
الشاعرعقیل التمیمی
یبست اعروگ المحنّه وگامت اتون ابهظم
وما یصح هزبرلعدهه یوچب ابضد الخصم
انه قصدی الخوه اگلک چنهه مکسورت عظم
وتون ومحّد داواهه
الشاعرعقیل التمیمی
علی ما شوف خوانی یحنون
جفونی وبلظهر گامو یحنون
یسامع روح گللهم یحنون
اعدای وخلهم ایعیلون بیه
الشاعرعقیل التمیمی
دعوفه المایرید اخوان وبیدک عل وجه طگّه
لئن نوط الخضر خلّاه ینسه السیف والتفگه
دخله ابذل یلم المال ذاک الما ذخر رفگه
یتندم بأول صدماته
الشاعرعقیل التمیمی
علی فری یدنیه انتی وگلبی
اشیل الحمل من یثگل وگلبی
بس الهم ابینه المن وگلبی
اذا ماعندی اخو ینشد علیه
الشاعرعقیل التمیمی
علی فری یدنیه انتی وگلبی
اشیل الحمل من یثگل وگلبی
بس الهم ابینه المن وگلبی
اذا ماعندی اخو ینشد علیه
الشاعرعقیل التمیمی
عل فرد لتعلم ابنک علمه إبلم الزلم
وگله یبنی ابلا عضیدک والله بلهد تنصدم
وگله التارک اخوانه چنه عاری ابلا هدم
ویتعثّر باچر بل نیبه
الشاعرعقیل التمیمی
صدیق الچنت اظنن زین بدیته اعله ابن عمی
وگلت وکت العسروالعوز یوچب یاهلی یمی
بس لاچن طلع غدار وعطشان اعله مص دمی
وچن ذیب امکشّر نیبانه
الشاعرعقیل التمیمی
عل چذب لتعلم ابنک علمه چلمات الصدگ
وگله احچیهه الحقیقه ولا تخاف امن الشنگ
وبعد لا تگصی اویخیّک ونته بیه تشرگ شرگ
والعایل بیک ایگص راسه
الشاعرعقیل التمیمی
ارید اسکن مثل مجنون بیدا
لئن جرح الگلب ماطاب بیدا
سبب خلّی رأیته اشلون بیدا
نطانی لل غریب وخان بیه
الشاعرعقیل التمیمی