الشاعرسعدمهدی الکعبی/ابوذیه/وحسبات

احس  ظل  الحزن  یمی  وحسبات

واحس محبس قهرعندی وحسبات

احس  بیدر  الم  شایل  وحسبات

واحس  کل یوم  لوعه  اتمر  علیه

الشاعرسعدمهدی الکعبی

الشاعرمهدی چاسب الکعبی/ابوذیه/یهدما

قصر الذله بس طوبه  یهدما

نظال البل علم عل حگ یهدما

من طبعه  وعله الباطل یهدما

یرد  ویهد  یعاند   کل   منیه

الشاعرمهدی چاسب الکعبی

الشاعرعقیل عبدالامام التمیمی/ابوذیه/گدهه

چثیره ناس  حبل  البطل  گدهه

وصبح تفصال ثوب الفشل گدهه

علیش الماهو گدهه  ایگول گدهه

وذا  هوه   دموق   ابکل   قضیه

الشاعرعقیل التمیمی

الشاعرهادی الامغیطی(البوغبیش)قصیده

**ودعتنی**

ابلحظت اظعونک تعدّت

طشت احلامی وتبدّت

طشت احلامی وسبتنی

ساعت البیهه عفتنی

وحتی دنیاتی جفتنی

ابوجهی بیبان الهه سدّت

عمری چنت ابشوگک انه

هایم ابجرح ومعانه

وبین ازر حانه وامانه

ماتت البسمه وتفدّت

کلهه سهله وهایه تصعّب

فرگتک سهم المشعّب

صابت الگبی وترعّب

لن حبل لل موت أمدّت

ما تگلّی یمته ترجع

ردعلی ظل جرحی یوجع

کافی مو جسمی تضعضع

واله اثیاب المحنه گدّت

ماترد تعگد بشاشه

ابروحی یسمر والحشاشه

وانته تصبح کالفراشه

چن ربیع ولیه ردت

لوتظل غایب علیه

واگضی وکتی إبهم وأذیه

ردعلیّ حتی المنیه

تسهل الروحی الّی ودت

الشاعرهادی الامغیطی

الشاعرعلی الحاج ابراهیم النیسی/ ابوذیه/بیدای

یحگلی لو سکنت  ابخله  وبیدای

ابسبب  گلبی  من الخلان  بیدای

الچنت صارم اعده ابضیج بیدای

طلع    حیّت   رمل   ملتف   علیه

الشاعرعلی النیسی

الشاعرمهدی چاسب الکعبی/هوسات

البعدمن ودرب الجهاله  وعل علم بس  انتچه

لو ظلم من خصمه لاحه ما سکت لحظه وبچه

بندار یصنع من ثقافه ویلی عل  حگ لوحچه

        بلسلنه ابخصمه ایحط چیله

                       ***

البعدمن درب  الجهاله وعل  علم ذب  الحمل

من وخصم  لوظلم  مسه  ما یدور  عل  ختل

ابقلم والسان الثقافه یصنع اعله الحگ حبل

          والخصمه ایعجد شناطه

                      ***

البعد  من درب الجهاله والثگل  شاله ابعلم

لون  عامل یضل خصمه ما یقل منه  العزم

بل ثقافه  طوب  یصنع  ویهدم   الما  ینهدم

           تجدح نیران امن السانه

                                                            

 الشاعرمهدی چاسب الکعبی

الشاعرامین ابوبنیامین النیسی/هوسه

لانی عایش ابملکک ولاعایش ولانی عایش ابگاعک

واعرفک خصمی انته وقاد واعرف  ماصخ امتاعک

لانی   عایش  ابملکک  وراضیک

اترکنی ابریلی ارکنک  وراضیک

خنتنی اتریدامرصوبک وراضیک

اش شفت  منک  واگلک  مر علیه

مثل ما گال ابن ماهور خاین  واعرف اطباعک

والمثلک خاین ما اهوا

البیت لشاعرعلی ماهور النیسی والهوسه لشاعر امین النیسی

الشاعرعقیل عبدالامام التمیمی/ابوذیه/بلمکون

اذا خلک  بألم  شفته  بلمکون

تصیروتصبح  ابشطّه بلمکون

تعَبره   وین   میگلک   بلمکون

وتگله اطلب وانه الواگف تچیه

الشاعرعقیل التمیمی

الشاعرحسین العگیلی/هات/خل یسل

رگد حیلی ابسبب بعدک خل یسل

دمع  دم   من  النواظر   خل یسل

اوصیه  وصلو للجفانی  خل یسل

ابوجهی سیفه لا یگلی الفات مات

الشاعرحسین العگیلی

الشاعرحسین العگیلی/هوسه

یگلبی کافی بعد انسه شخص الحط جرح بیه

الجرح   لایگ  علیه  ایگول  احمد  بل  أبوذیه

یگلبی انسه شوگه لایگلی

لئن الجرح کلشی  لایگلی

گتله  اتخون   بیه  لایگلی

بعدنی ابلایگلی وخان بیه

گلی ما اخونک  یوم  بعدهی احچایه محچیه

من بعداشوی وعافانی

الهوسه لشاعرحسین العگیلی والابوذیه لشاعراحمدالهندی

الشاعرمحمدجاسم ابوعمارالحزباوی/میمر/مایلتم

چتفی انهدل من فرگتک مایلتم

وجرحی ابغیابک یاترف مایلتم

من الدمع تحت  الجدم  مایلتم

گد ما بچیت الفرگتک  واتهطّر

الشاعرابوعمار الحزباوی

الشاعرعقیل عبدالامام اتمیمی/ابوذیه/ترادم

عینی  اعلیک   کتتلی   ترادم

ودلیلی ابّین  شریانی  ترادم

یخایب  موگلت   نبقه   ترادم

أشو نص الدرب واگطعت بیه

الشاعرعقیل التمیمی

الشاعرعقیل عبدالامام التمیمی/ابوذیه/ولکهام

دلیلی من کثر همی  ولکهام

لئن گد الجبل شایل ولکهام

اذاخلّی وعلی حامل ولکهام

تظن  اگدرو ارد  العال  بیه

الشاعرعقیل التمیمی

الشاعرامین ابوبنیامین النیسی/ومضه

علی صمتی تگلّی ساکت اشبیک

الکلام   ابغیر   وکته   ما  یحلّیک

إخذ  عبرت  شمع  لو  عوزت  نور

یدلیک  الدرب   بس  ما  یحاچیک

الشاعرامین النیسی

الشاعرهادی الامغیطی(البوغبیش)هات/علّهن/مدفنه

إقرأ الأبیات من الأول إلی الأخر ومن الأخر الی الأول

الناصیات  إشئون  حیدر عَلّهن

حَلّهِن    أبوابه    خیبر   علّهن

حِلّهن     آیاته    ربّک     علّهن

حلّهن حیدر إسنین  البلحیات

***

هلحیات ابغیره  حیدر   مدفنه

هوّه حراشموسه واثق  مدفنه

هوّه حر  للذله   سوّه    مدفنه

هوّه حر کلمن  ایعوفه بلحیات

الشاعرهادی الامغیطی

الشاعرهادی الامغیطی(البوغبیش)ابوذیه/بعیده

لسانی حاشه لو  قصّر بعیده

رغم شوفتکم  الصارت  بعیده

عید   وکلمن   الفارح   بعیده

وعیدی جلستی اویاکم سویه

الشاعرهادی الامغیطی

الشاعرمحمدجاسم ابوعمارالحزباوی/هوسه

العید فرحه العید هوسه العیدبسمات وسرور

العید  جمعه  العید لمه  العید  ألفه  الکل  غیور

العید بچفوف العواطف یعصر اگلوب الزهور

وایعطّر جو المعموره

الشاعرابوعمارالحزباوی

الشاعرعظیم ابوتوفیق البوخنفر/هوسه

العید فرحه العید لمه العیداخو ایصافح أخو

العید  هلهولت  الحره  الدوم  متعنزه  ابکفو

العید   لل  عاند  الباطل   مایدور   عل   دفو

ولو ثار الصدماعز روحه

الشاعرابوتوفیق البوخنفر

الشاعرعقیل عبدالامام التمیمی/هوسه

صدیق الچنت واثق بی وامحسّب علیه ریال

گلت  بلهد مثل  موح  جدامی  یغرّگ  اجبال

لاچن  بلعکس   شفته  رچیچ  وللحمل  میال

وما یحمل حملی اعله امتونه

الشاعرهادی الامغیطی(البوغبیش)قصیده بحق الامام الزمان عجل الله تعالی فرجه الشریف

**مرنه یا فجر**

 بعدهو الیل مظلم یا فجرنه المن وعدنه للصبح شمعات معدوده

حیّرنه الوکت ما یدری ملچومین و واحدنه ابغیابک إیده مشدوده

خلصّنه العمریا فجر تدری اشلون مثل وکر إنترک والطیر شیعوده

نتأمل نظل وانحسّب الیاوین وإعیون الصبر کل ساعه مرموده

نسیناه الفرح نسیان میت اسنین والبسمه دفناهه ابأرض سوده

وضیّعنه ألاثر ذره ابّین ودیان وتعبنه المحاچی اندور إشهوده

بعدهو الیل مظلم یا فجرنه المن وبیبان الضوی الیاحین مسدوده

إخدوده الفقیر إخشِنت بل دمعات یمته چف ضواک إینعّم إخدوده

ینطرک یا فجر حتی الصبح صار ودونک لاتظن یتباهه بصموده

الشمس لولاک ما کشفت الأستار ولا عدهه إستطاعه إتعلّی بلجوّده

مرنه یا فجر خن طفی لل شمعات  وبستان الحیات ایفتّح اوروده

ونتغازل طلوعک احنه والنجمات ویم شفت النهار إنگیّد الإبروده

مرنه یا فجر هل دنیه  کلهه ابغیض بس إبلیس مارح یرگص ابعوده

ومرنه یا فجر گبل کل مکروه الیمس نخلت هلی وإعگالی واعنوده

الشاعرهادی الامغیطی

الشاعرحسین العگیلی/هات/لابده

لا یمر  گلبی  اعله  بیتک   لابده

ابسبب غدرک روحی بلهم لابده

ها  تگلی  مابده   اگلیبی  لابده

ایفزز اجروح الی الچانن غافیات

الشاعرحسین العگیلی

الشاعرمیلادزویدات/ابوذیه/شفتک

انعجد   حبل   الموّده اویاک شفتک

من اشفای    یوم   الدنت    شفتک

انشده وانسلب فکری ابیوم شفتک

تهت   والعگل    ظل    ابلا     وعیه

الشاعرمیلادزویدات

الشاعرعقیل عبدالامام التمیمی/ابوذیه/یاسف

اشکثرماصاحبیت اصحاب یاسف

خوّتهم     مثل     خوّان      یاسف 

بعد   بیمن   نثق   النوب    یاسف

اذا    خلی   صبح    سرحان   لیه

الشاعرعقیل التمیمی

الشاعرعلی قاسم البدوی/قصیده

 
 * شهگت مضیف *
  أجیت اعمر صفنتی وأخبن الذوق مو أدری الخبن یدلیلی ألهام 
  وابمیلاد الحسن أتجول الیوم مثل صهلت نفس وابحلگ الأعدام
  کرم جود الحسن أسعاف الأجروح وایده استامیوفن اتهود الآلآم
  حفاوه الی ابحدیثه اتحوک الأحساس وتلولی اعله الدموع الخرت اسهام
  لطیفه اطباعه تشبه طبع الأزهور ورحیق الیاسمین ابرییته اینام
  الحوائج یمه سهله وکلشی الترید شبه گوگل ولو طلباتک اوهام
  المضایف تثمل ابأسمه ابشهه الیل واخلاقه العفیفه اتصل الأرحام
  أخو خیته ابوکتهه وأنشد اعلیه زلم حرب الجمل حط بیهه الأحمام
  أبگد ما سیاسی اتحسده الأسیوف ودین ابلا سیاسه ایرد للأصنام
  صافح معاویه وذل ؟ ابد ، لا چی راد الصلح من أجل الأسلام
  ابعدالت حیدره ما خله تبعیض بین اهل القصور وأهل الأخیام
  ذکائه الباشط اینکل نیوتن ویتراوه الأنشتین اویه الأحلام
  عشرته اویه الفقیر اتریگ الحیل أبگیمر من حنانه وگلبه محتام
  أبحدیقة روحه اتهیم الفراشات وابعمره اتتفلح اُف الأیتام
  فراسه ابعلمه عنده اتقود الأعروش وابنهجه الفلاسف حازت اوسام
  من حگه العگل بأوصافه لو ضاع لن اعلومه مسقط راس الأهیام
  ألو تقره ابدیانة برزخ البی چا ذنبک یصلی امن الصبح گام
  عرفانه الحلیم ابعظم الأیمان فصل للمبادء ثوب الأحرام
  عطش ریج الصحاری ابرأفته ایهید وابنکهة حکمته اتغیر الأفهام 
  ألرضایت ربه یعمل مو للأموال وابأبسط معیشه ایگزر الأیام
  تربیته او وقاره ابشکل ابو احسین لأبظهره العواصف شدت احزام

الشاعرعلی البدوی

الشاعرعظیم ابوتوفیق البوخنفر/هوسه

الشجاعه موشکل لوطول لوبل یفتل الشارب

الشجاعه اترید غیره وعیب لهلک باطل اطّالب

الشجاع اشما یزل یرجع یعاتب نفسه وایعاتب

          واعلی الحق دوم ایمشّیهه

الشاعرعظیم ابوتوفیق 

الشاعرعامرابوعباس السعدی/ابوذیه/ولحایه

وحگ  رب  الّی  میته  ولیحایه

ابطمع صارت الشوفه ولیحایه

الزلم  مو بل  شوارب   ولیحایه

الزلم    تنتشر   یوم    الموزمیه

الشاعرعامرابوعباس السعدی

الشاعرمحمدجاسم ابوعمّارالحزباوی/ابوذیه/بلقیس

یمن حسنک تعدّه اوصاف بلقیس

نظم شعری ابجمالک عجز بلقیس

الک مجنون بس مو قیس  بل قیس

ابجنونه  امن العشگ  ینقاس  بیه

الشاعرابوعمارالحزباوی

الشاعرعقیل عبدالامام التمیمی/هوسه

أسد من  الصحابه  اختار  وخلّه  لل  زند  قوّا

لئن گالو یصح صاحب احن واحسن من الخوّا

یفیدک  من  تطیح  ابضیج  وحیلک  بیه  یتگوّا

لو لیث امصاحب وهّامه

الشاعرعقیل التمیمی