الشاعرخليل ابوميلاد زويدات\هوسه

مو كلمن  يكض  السيف  ينعد  بل زلم  ريال

ولا   كلمن   تخيل   گام   گالو   بل فزع خيال

اخذالدرس من عباس شفته امنالشريعه اشال

ياب الشط كله ابچفينه

الشاعرخليل ابوميلاد زويدات

الشاعرعلی قاسم البدوی\ابوذيه\يخلي چ گ ذ

ذبل  زرع  الامل   بعدك   يخلي

وملح ظل هجرك ابجرحي يخلي

الگلب  من  الحزن   محد يخلي

ما  دامك  طريح  اعلي  الوطيه

الشاعرعلی قاسم البدوی

الشاعركاظم ال كاظم\هوسه

يخوتي النخوه وحدوهه وتعالو نتحد بالدم

ونحمل  راية الكرار  وبدروب المجد  نهتم

ونعرف غاصبين الگاع  وابعجد العزم  نلتم

وابشيمه انحافظ عل رايه

الشاعركاظم ال كاظم

الشاعرامین ابوبنیامین النیسی/هوسه

احنه اهل كارون اخبرك هاذه شط اهلي العرب

والغرف   ماي   ايتندم   ويطمئن   موته  گرب
هاذه شط اهلي وهويتي ولوصدر مايه ابغضب

كلنه انهد وانرجع مايه

الشاعرامین النیسی

الشاعرحيدرالزهيري\ابوذيه\وخلتي

عله  البد  ذات  بس بانت وخلتي

الاهل منهم سبب ضعفي وخلتي

عدوي صفت  كل  خوته  وخلتي

كل    واحد    يدور   حجه    ليه

الشاعرحيدرالزهيري

الشاعرعقيل عبدالامام التميمي\هوسه

تباهه اعله عرضك زين ودومك بلگلب حفظه

وبالك  لا تصير  افلان  تبدل  الذهب بل فضه

مو زلمه  اعتقد ذاكه وينعد بل طب  حرضه

لن ساوه الدره ابفحمايه

الشاعرعقيل التميمي

الشاعرحسين العگيلي\هات\ولك امان

لا  تخاف  ادخل  دليلي ولك امان

لاتظن  ابحبي  صوبك  ولك امان

رحت مني انصبت ماتم ولك امان

الخميسي ابگلبي بچه الفاگدات

الشاعرحسين العگيلي

الشاعرمهدی چاسب الکعبی/ومضه

مثا ام الطفلهه ابليلي سهران

الولي علي الويعه  ردت تخمد

غلط ظنيت ثاري الويعه متنام

امعسره  ويعتي  واتريد تولد

الشاعرمهدی چاسب الکعبی

الشاعرحسن الزرگاني\ ابوذيه\ لهاماي

اريد  الگيلي هم  يشبه لهاماي

بچيت  وعيني ما  يوجد لهاماي

صبح حته الملح روحي لهاماي

لئن  ملح  الاخو  ما غزر  بخيه

الشاعرحسن الزرگاني

الشاعرحيدرالزهيري\عتاب\حي ليل

ابجفه المحبوب حگه اليحب حي ليل

البعد  ما  خله  قوه  و بعد   حي ليل

اسمعت مجنون يوم الوصل حي ليل

عرف  گبر  المحب  من  شم التراب

الشاعرحيدرالزهيري

الشاعرحسين العگيلي\هوسه

ابوصف   اهلي   العرب  والله  ظل  القلم عاجز

ابفضلهم وحگ داحي الباب دوم اعله الرتب حائز

بگحيطي   لون   ياهلهم   يمر   ويگصده   العايز

ينزع مزويته وينطيهه

الشاعرحسين العگيلي

الشاعرعقيل عبدالامام التميمي\ابوذیه\عضيدي

الف كسرانكسر بيه عضيدي

لئن بلضيج  ير ايده  عضيدي

دگلي  هم بعد ينفع عضيدي

اذا من الرسغ  مگطوعه اديه

الشاعرعقيل التميمي

الشاعرخليل ابوميلاد زويدات\ابوذيه\ شيربه

الغبر تنور اسه  ابگلبي  شيربه

لعله الي وموكفووگدهه شيربه

ازنه  اعله  العرك  گوه  شيربه

تشربك    وانقفل    بل موزميه

الشاعرخليل ابوميلاد زويدات

الشاعرحيدرالزهيري\ابوذيه\ملهه

اجه البطران گلي الروح ملهه

تون گتله  وليف  الروح  ملهه

صبح ذچر  الولف للگلب ملهه

وبگيت ارجه المنيه اتمرعليه

الشاعرحيدرالزهيري