العید فرحه العید هوسه العیدبسمات وسرور
العید جمعه العید لمه العید ألفه الکل غیور
العید بچفوف العواطف یعصر اگلوب الزهور
وایعطّر جو المعموره
الشاعرابوعمارالحزباوی
یمن حسنک تعدّه اوصاف بلقیس
نظم شعری ابجمالک عجز بلقیس
الک مجنون بس مو قیس بل قیس
ابجنونه امن العشگ ینقاس بیه
الشاعرابوعمارالحزباوی
الزمان ایدور ثم ایدور ویدور
ویهدم اعروش ویه اقصور ویدور
ملک قارون کثره اموال ویدور
لچن ربک خسف بیه الوطیه
الشاعرابوعمارالحزباوی
روحی اشکثر من الربع شافتهم
بس عیّدت من عیدو شافتهم
رغم الگطع وکت المرض شافتهم
ابطیب وحنان وعاطفه وشوگ اکثر
الشاعرابوعمارالحزباوی
نحل جسمی ابغیابک دوم ماشاف
ونزف دمع البیابی اعلیک ماشاف
وفی ومثلک دلیلی اصحاب ماشاف
ابیسر وابضیج لل صاحب تچیه
الشاعرابوعمّارالحزباوی
غرامی امن اوسع ابوابک طبعلیک
لإنک بل وفه ثابت طبعلیک
دلیلی ابدم شرایینی طبعلیک
صورت خل وفی وذاته وفیه
الشاعرابوعمار الحزباوی
وصل وکت الصلات وحان الاذان
وصدح صوت المؤذّن بل مناره
ولا واحد وصل حسباله طرشان
رسل طارش لگه الوادم سکاره
الشاعرابوعمّارالحزباوی
یاخل الک دار و نزل برموشی
ولولجلک ابحوراگطعت برموشی
ادری العواذل یاترف برموشی
وحرمونی شوفک والگلب طرانطر
الشاعرابوعمارالحزباوی