الشاعرعقيل عبدالامام التميمي\ابوذیه\نفيله

كلمن  بل  طبع  يوفي  نفيله

وعن حرالشمس واجب نفيله

اذا  اشطيط  فاي احنه نفيله

ابحور  و  جزر  لو طاح ابهبيه

الشاعرعقيل التميمي

الشاعرعقيل عبدالامام التميمي\ابوذیه\وخلفن

دعرسن بيه يجروحي وخلفن

ولتخلن   غبر  يرهم   وخلفن

وسام  انه ارد  اخليله وخلفن

لبني  ولا  يعيش  ابمهضميه

الشاعرعقيل التميمي

 

الشاعرعقيل عبدالامام التميمي\ابوذیه\گلباي

من  ظيمچ   ابد ما  ذاب  گلباي

يدنيه   واشكثر  ما   بيچ  گلباي

لون عيني عمت والشوف گلباي

ابن عمي  وصديقي اعيون  ليه

الشاعرعقيل التميمي

الشاعرعقيل عبدالامام التميمي\هوسه

تباهه اعله عرضك زين ودومك بلگلب حفظه

وبالك  لا تصير  افلان  تبدل  الذهب بل فضه

مو زلمه  اعتقد ذاكه وينعد بل طب  حرضه

لن ساوه الدره ابفحمايه

الشاعرعقيل التميمي

الشاعرعقيل عبدالامام التميمي\ابوذیه\عضيدي

الف كسرانكسر بيه عضيدي

لئن بلضيج  ير ايده  عضيدي

دگلي  هم بعد ينفع عضيدي

اذا من الرسغ  مگطوعه اديه

الشاعرعقيل التميمي

الشاعرعقيل عبدالامام التميمي\ابوذیه\شعلهه

الدهر  بل  روح  نيرانه شعلهه

عليله صفت وانه ادري شعلهه

اشيوخ الما تحل عجده شعلهه

اظن بل مال وهمه  ابلا  وعيه

الشاعرعقيل التميمي

الشاعرعقيل عبدالامام التميمي\هوسه

وحگ  شيمت ابواحسنين  ذاك الكافل الفقرا

ابوجوده ما يمسني الظيم بس اندب يطرگبرا

يجيني امحزم العباس اي وحگ فاطمه الزهرا

يحظرني امحزم بوليده

الشاعرعقيل التميمي

الشاعرعقيل عبدالامام التميمي\ابوذیه\يريبيهم

الربع موبس كواسي يريبيهم

ويروحي  زين  اگلچ  يريبيهم

وشوفي  الروي لاگو يريبيهم

وذخريهم  الچ    لل   موزميه

الشاعرعقيل التميمي

الشاعرعقيل عبدالامام التميمي\ابوذیه\يمرهه

ييمه اعليچ  هل داوي يمرهه

روحي   وحد  اخلافچ  يمرهه

اچماله  الاخو  يا  يمه يمرهه

ابكاس   الجفه  وما  مر عليه

الشاعرعقيل التميمي

الشاعرعقيل عبدالامام التميمي\ابوذیه\مشاله

ابدرب  عاثور  لصاحب  مشاله

جدمي ومن يهل دمعي مشاله

چفي ومن وگع حملي  مشاله

تركني وگطع  حتي الوصل بيه

الشاعرعقيل التميمي

الشاعرعقيل عبدالامام التميمي\هوسه

هم خزي وهم شقي المايحب حيدر علي

وما يدخل الجنه ابصلاته المايعدحيدرولي

وانته يلي اتحب عينه عوفه ذاكه لن خلي

الناكرحيدر وافعاله

الشاعرعقيل التميمي