| * شهگت مضیف * أجیت اعمر صفنتی وأخبن الذوق مو أدری الخبن یدلیلی ألهام وابمیلاد الحسن أتجول الیوم مثل صهلت نفس وابحلگ الأعدام کرم جود الحسن أسعاف الأجروح وایده استامیوفن اتهود الآلآم حفاوه الی ابحدیثه اتحوک الأحساس وتلولی اعله الدموع الخرت اسهام لطیفه اطباعه تشبه طبع الأزهور ورحیق الیاسمین ابرییته اینام الحوائج یمه سهله وکلشی الترید شبه گوگل ولو طلباتک اوهام المضایف تثمل ابأسمه ابشهه الیل واخلاقه العفیفه اتصل الأرحام أخو خیته ابوکتهه وأنشد اعلیه زلم حرب الجمل حط بیهه الأحمام أبگد ما سیاسی اتحسده الأسیوف ودین ابلا سیاسه ایرد للأصنام صافح معاویه وذل ؟ ابد ، لا چی راد الصلح من أجل الأسلام ابعدالت حیدره ما خله تبعیض بین اهل القصور وأهل الأخیام ذکائه الباشط اینکل نیوتن ویتراوه الأنشتین اویه الأحلام عشرته اویه الفقیر اتریگ الحیل أبگیمر من حنانه وگلبه محتام أبحدیقة روحه اتهیم الفراشات وابعمره اتتفلح اُف الأیتام فراسه ابعلمه عنده اتقود الأعروش وابنهجه الفلاسف حازت اوسام من حگه العگل بأوصافه لو ضاع لن اعلومه مسقط راس الأهیام ألو تقره ابدیانة برزخ البی چا ذنبک یصلی امن الصبح گام عرفانه الحلیم ابعظم الأیمان فصل للمبادء ثوب الأحرام عطش ریج الصحاری ابرأفته ایهید وابنکهة حکمته اتغیر الأفهام ألرضایت ربه یعمل مو للأموال وابأبسط معیشه ایگزر الأیام تربیته او وقاره ابشکل ابو احسین لأبظهره العواصف شدت احزام الشاعرعلی البدوی |
****
علی مفتاح السعاده و روحه بّالله امشیمه
والجهل من طب له حیدر شال جهله و لملمه
ما رکع لذّله مرّه و ما یطخ بلملحمه
و الحومه ابحیدر تتباهه
حیدر اعگال العداله وکحلت اعیون الشرف
ما رکض خلف الخلافه وهوه منعدهه انصرف
الوحده شال اجنازت احمد والفلم حتی اعترف
ملتهیه الباقی ابدنیاهه
الشاعرعلی قاسم البدوی
لوترد اهل السقیفه وتعلن امر المنکتمم
والله چاحتی الیهود اتشیعت من هل علم
المن اتلج الاخوه وتدری باچر تنصدم
وتعود الحیدر فصاله
الشاعرعلی قاسم البدوی
اهلی همه اهل الثقافه وبیرغ العز والابه
علمونی اعله التسامح والسخاوه امن الصبه
اهلی ابصف العمالق حازت اول مرتبه
والکون احتار ابملگاهه
الشاعرعلی قاسم البدوی