الوگفتلهم درع کل ساعت العوز
وحملهم من وگع شوعدّلیته
لچن لمن علیه دارو اعدای
درت وجهی ولا واحد لگیته
الشاعرعلی النیسی
علی صمتی تگلّی ساکت اشبیک
الکلام ابغیر وکته ما یحلّیک
إخذ عبرت شمع لو عوزت نور
یدلیک الدرب بس ما یحاچیک
الشاعرامین النیسی
یبو اعیون السود یل مالک شبیه
دورت وصفک وما یوجد جمال
عمی حگهه الناس لونظرت علیک
لئن بیک اوصاف احله امن الغزال
الشاعرمیلادزویدات
اصد لارض البقیع ابصرّت اجروح
واظل انعی ابأسه وأنصب عزیه
یرد بلکت علیه الغایب اسنین
ویکض ایدی ویدلینی الزچیه
الشاعرعلی البدوی
لون یوم السوریه اتظل بلدمار
وکلهه سند الحرب حطت بسمه بی
لچن ما نقبل وحگ دم الحسین
بعد مره ابشام زینب تنسبی
الشاعرحسین العگیلی
وین هسه ابیا حظن عینک تنام
انه والله اوداعتک شابع بچی
انه اجیب الروح وترس بیهه ادیک
ونته بس اتجیب واتودی حچی
الشاعرامین النیسی
بعدهی اعیون ظلت عندی بجفاک
وبعد عندی گلب بل آه متروس
انه اجروحی گناطر صارت اویاک
شجاک ابلا وعه فوگاهن اتدوس
الشاعرامین النیسی
انه وگلبی انعرف حبک گصیر
و لا تدورلک عذر تنسانه
بیدی کبرتک شفت غیری ومشیت
ابیت عنکبوت اترید تتلفانه
الشاعرامین النیسی
یا امام الرضا یا شمس الاشموس
وابکرامه وجود ظل عنوانک
باب لو بابین شفنه الکل مضیف
وعجز کلمن راد ایعد بیبانک
الشاعر امین ناحی زاده